Dyw mam ddim yn gallu texto na defnyddio ffôn glyfar, ond mae hi’n gallu hala ‘instant message’ ar y cyfrifiadur. Ar IM roedden ni’n dwy yn gohebu, a finnau’n cael rant fach am rywbeth a rhywun oedd yn ymddangos fel bach o broblem ar y pryd, a dyma mam yn dweud:
“hen soga a hi [emoticon person crac – mae defnyddio emoticons yn dal yn novelty gan mam!!!] – dyw hi ddim yn dwp i gyd”
Wn i ddim os taw bwriad gair o gysur mam fel petai oedd hala fi chwerthin, ond dyna’n gwmws wnes i, a theipo neges nôl iddi’n holi “beth yw soga?!”
“wmbo, ni yn iwso soga fel soga o fenyw [emoticon person mewn syndod]”
Felly, rwy’n cymryd taw rhyw fath o air gwahanol am swigw yw soga. Gair da! Ac ry’n ni i gyd yn nabod hen sogas o fenwod mae’n siŵr!
Cwmereg 